- बिहिबार, भदौ ४, २०८३ / Thursday, Aug, 20 ,2026
कोरोना भाइरस संक्रमणविरुद्धको जोन्सन एण्ड जोन्सन खोप अब काठमाडौंमा १८ वर्ष माथिका सबै नागरिकले पाउने भएका छन् ।
काठमाडौंमा उपलब्ध गराइएको एक लाख ४० हजार डोज खोपमध्ये अझै एक लाख डोज बाँकी रहेपछि आज (बुधबार) देखि १८ वर्ष माथिका नागरिकलाई पनि लगाउन दिइने भएको हो ।
यसअघि यो खोप खोप ५० देखि ५४ वर्षका नागरिक, अपाङ्गता भएका व्यक्ति, शरणार्थी, जोन्सन खोप अनिवार्य गरिएका मुलुक जान लागेका नागरिक तथा स्वास्थ्यकर्मीलाई मात्र उपलब्ध गराइएको थियो ।
खोप बाँकी रहेपछि अन्य १८ वर्षमाथिका नागरिकलाई पनि लगाउन दिने काठमाडौंका प्रमुख जिल्ला अधिकारी कालीप्रसाद पराजुलीले जानकारी दिए ।
उनले भने, “बाँकी रहेको खोप लगाउन लागिएको छ । जोन्सन एन्ड जोन्सनको करिब एक लाख खोप बचेको छ। कतिजनालाई पुग्छ, त्यति लगाएर अरु खोपको व्यवस्था गरिनेछ।”
