- मङ्लबार, कार्तिक २५, २०८३ / Tuesday, Nov, 10 ,2026
अफगानिस्तानको काबुलबाट थप ८७ जना नेपाली काठमाडौं पुगेका छन्।
काबुलबाट उद्धार गरेर कुवेत पुर्याइएका ८७ जनालाई गएराति ११ बजे काठमाडौं पुगेका हुन्।
जजिरा एयरमार्फत कुवेतबाट ८७ जना नेपाली त्रिभुवन अन्तर्राष्ट्रिय विमानस्थल अवतरण गरेको नेपाल नागरिक उड्यन प्राधिकरणका प्रवक्ता राजकुमार क्षेत्रीले बताए।
यसअघि मंगलबार बिहान एक सय १८ जना नेपाली आएका थिए। उनीहरु अमेरिकी सरकारको बन्दोबस्तीमा स्वदेश फर्केका हुन्।
उनीहरु अमेरिकी दूतावासमा सुरक्षागार्डका रूपमा कार्यरत थिए। त्यहाँ रहेका तीन सय ८५ जनामध्ये दुई सय पाँच जना नेपाल पुगेका छन्। अन्य नेपालीलाई पनि काबुलबाट उद्धार गरेर कतार पुर्याइएको छ। छिट्टै नेपाल पुग्ने जनाइएको छ।
काठमाडौं पुगेका सबैको कोरोना भाइरसको परीक्षण गरिएको छ। संक्रमण देखिएकालाई उपचारपछि मात्रै घर पठाइने भएको छ।
