- सोमवार, कार्तिक २४, २०८३ / Monday, Nov, 09 ,2026
नेकपा एमाले लुम्बिनी प्रदेश संसदीय दलले आफ्ना माग पूरा नभएसम्म संसद चल्न नदिने चेतावनी दिएको छ।
एमालेले कारबाही गरेका दुई जना सांसद अजय शाही र बिमला वलीलाई प्रदेशसभा सदस्यबाट पदमुक्त गर्न माग गर्दै आएको छ।
तर, सभामुख पूर्ण बहादुर घर्तिले सासद् शाही स्वतन्त्र भएको र वलीले नेकपा माओवादी रोजेको भन्दै पदमुक्त गर्न नसकिने बताएपछि एमाले सांसदहरू र सभामुखबीचको विवाद बढ्दै गएको छ।
लुम्बिनी सरकारको सोमबार दिउसो १ बजे प्रदेशसभा बैठक बस्ने कार्यसूची छ।
तर, एमाले संसदीय दलले भने आफ्नो माग पूरा नभएसम्म संसद् अबरुद्ध गर्ने सभामुखलाई जानकारी गराएको छ।
प्रतिपक्षी दल मालेले निरन्तर अवरोध गरेपछि मंगलबार र बुधबार संसद् बैठक स्थगित भएको थियो।
