- सोमवार, कार्तिक २४, २०८३ / Monday, Nov, 09 ,2026
निर्वाचन आयोगले प्रदेशसभामा भएको दल विभाजनको विवरण आज सार्वजनिक गर्ने तयारी गरेको छ ।
एमाले छाडेर माधव नेपाल नेतृत्वको नेकपा एकीकृत समाजवादीमा र जनता समाजवादी पार्टी (जसपा) छाडेर लोकतान्त्रिक समाजवादी (लोसपा)मा लागेका प्रदेश सांसदहरुको विवरण आज सार्वजनिक गर्ने तयारी आयोगको गरेको छ ।
आज बस्ने आयोगको बैठकले नामावलीलाई अन्तिम रुप दिने तयारी गरेको बताइएको छ ।
राजनीतिक दलसम्बन्धी अध्यादेशअनुसार एमाले र जसपा पार्टी परिवर्तन गरेर नयाँ दलमा लाग्न चाहने प्रदेशसभा र स्थानीय तहका जनप्रतिनिधिलाई निर्वाचन आयोगले भदौ २२ गतेसम्म सनाखत गर्न म्याद दिएको थियो ।
