- सोमवार, कार्तिक २४, २०८३ / Monday, Nov, 09 ,2026
चट्याङ लागेर बैतडीको डिलाशैनी गाउँपालिका–५ खालीफाँटाका एक युवकको मृत्यु भएको छ भने तीन जना घाइते भएका छन्।
गएराति चट्याङ लागेर खालीफाँटाका २७ वर्षीय महेश लुहारको मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक बोधराज ओझाले बताए।
उनका अनुसार तीन जना घाइते भएका छन्। घाइते हुनेहरुमा खालीफाँटाकै अम्बे लुहार, हरिचन्द्र कोली र दार्चुलाको शैल्यशिखर नगरपालिका–९ का दीपक महर रहेका छन्।
घाइतेहरुलाई उपचारका लागि गोकुलेश्वर अस्पताल लगिएको छ। उनीहरुको अवस्था खतरामुक्त रहेको प्रहरीले जनाएको छ।
