- सोमवार, कार्तिक २४, २०८३ / Monday, Nov, 09 ,2026
ताप्लेजुङमा शनिबार बिहान सर्प दंशबाट एकजनाको मृत्यु भएको छ ।
फुङ्लिङ नगरपालिका–९ हाङ्देवाका २५ वर्षीय कृष्णबहादुर घतानीको सर्प दंशबाट मृत्यु भएको हो ।
जिल्ला अस्पतालमा उपचारको क्रममा घतानीको मृत्यु भएको जिल्ला प्रहरी कार्यालय ताप्लेजुङले जनाएको छ ।
शुक्रबार राति घतानीलाई सर्पले डसेको थियो । सर्पले डसेपछि सुरुमा घरमै झारफुक र घरेलु औषधि गराएका उनलाई शनिबार बिहान मात्र आफन्तले जिल्ला अस्पतालमा लगेर भर्ना गराएका थिए ।
अस्पताल भर्ना गरेको केही समयमै उनको मृत्यु भएको जिल्ला प्रहरी कार्यालय ताप्लेजुङले जनाएको छ ।
