- बिहिबार, भदौ ४, २०८३ / Thursday, Aug, 20 ,2026
काठमाडौं – नयाँबानेश्वरमा आज सवारी साधनको ठक्करबाट एक ज्यान गुमाएका पैदलयात्रीको सनाखत भएको छ ।
मृत्यु हुनेमा काठमाडौं महानगरपालिका–३१ नयाँबानेश्वरका अन्दाजी ७० वर्षीय डाक्टर प्रभु जोशी रहेको प्रहरीले जनाएको छ ।
मर्निङ वाकका लागि घरबाट हिँडेका जोशीलाई आज बिहान सवा ६ बजे नयाँबानेश्वर स्थित संसद भवनको १ नम्बर गेट अगाडिबाट बाटो पार गर्दै गरेका नम्बर खुल्न नसकेको सवारी साधनले ठक्कर दिएको थियो ।
दुर्घटना पश्चात सवारी साधन सहित फरार रहेका चालकको खोजी भइरहेको महानगरीय प्रहरी वृत बानेश्वरले जानकारी दिएको छ ।
