- बिहिबार, भदौ ४, २०८३ / Thursday, Aug, 20 ,2026
काभ्रेपलाञ्चोकको बनेपा नगरपालिका–५ घोकेचौरमा रहेको शिर मेमोरियल अस्पतालको आकस्मिक सेवा कक्षको स्तरवृद्धि गर्न रोटरी क्लबको सहयोगमा स्वास्थ्य उपकरण हस्तान्तरण गरिएको छ ।
रोटरी क्लब अफ धुलिखेल, बनेपा, बालाजु र सिगाँपुर रोटरीको सहयोगमा आपतकालीन शैयाको सुधारका लागि ४५ लाख मूल्य बराबरको स्वास्थ्य सामाग्री उपलब्ध गराएको छ ।
धुलिखेल रोटरीका पुर्व अध्यक्ष रन्जिब श्रेष्ठले बनेपा नगरपालिकाका प्रमुख शान्तिरत्न शाक्य र अस्पतालका निमित्त कार्यकारी अधिकृत सुन्दर थापालाई उक्त सामाग्री एक कार्यक्रमका बीच हस्तान्तरण गर्नु भएको थियो ।
अस्पतालका कार्यकारी निर्देशक सुन्दर थापाले अस्पतालबाट सुधार गर्नुपर्ने काम र विस्तार गर्नुपर्ने सेवा धेरै रहेको बताउँदै नगरपालिकासँगको समन्वयमा नजिक रहेर काम गर्न तयार रहेको बताए ।
