- मङ्लबार, कार्तिक १८, २०८३ / Tuesday, Nov, 03 ,2026
काठमाडौं – काठमाडौंका विभिन्न स्थानबाट करिब ९० जना चिनियाँ नागरिक पक्राउ परेका छन् ।
बैंक ह्याकिङ प्रकरण र भिसा नलिइ काम गरिरहेको आशंकामा उनीहरुलाई पक्राउ गरिएको प्रहरी उच्च स्रोतले जानकारी दिएको छ ।अपराध महाशाखा, केन्द्रीय अनुसन्धान ब्यूरो र काठमाडौं प्रहरीको संयुक्त अप्रेशन टोलीले उनीहरुलाई आइतबार पक्राउ गरेको हो ।
साइबर अपराधको पूर्वसूचना पाएकाले उनीहरुलाई सोधपुछका लागि नियन्त्रणमा लिएको केन्द्रीय अनुसन्धान ब्यूरोका एक प्रहरीले जानकारी दिएका छन् ।
उनीहरु सबैलाई काठमाडौंको मनमैँजु र बाँसबारी क्षेत्रबाट पक्राउ गरिएको हो । पक्राउ परेका सबै चिनियाँ नागरिकलाई अहिले केन्द्रीय अनुसन्धान ब्यूरोमा राखिएको छ ।
