- बिहिबार, भदौ ४, २०८३ / Thursday, Aug, 20 ,2026
काठमाडौं – जारी सिजन लिगका लिडिङ गोलकर्ता आशिष लामाले गोल गर्दै कतार एयरवेज सहिद स्मारक ए डिभिजन लिगअन्तर्गत अन्तिम चरणको खेलमा ब्रिगेड ब्वाइज क्लबविरुद्ध एपिएफ क्लबलाई १–० को अग्रता दिलाएका छन्।
आज सातदोबाटोस्थित एन्फा कम्प्लेक्समा जारी खेलको पहिलो हाफ सकिन १ मिनेट बाँकी रहँदा आशिषले हेडरमार्फत सुन्दर गोल गरे।
सुरुआतदेखि गोलका लागि प्रयासरत एपिएफका नविन लामाले बाँयातर्फबाट दिएको पासलाई ६ यार्ड बक्स बाहिरबाट हेडर प्रहार गर्दै गोलको दिशा दिए।
यसअघिका १२ खेलबाट ८ अङ्क जोडेर तालिकाको १३औं स्थानमा रहेको एपिएफ यो खेलमा जितसहित सिजनको सुखद् समापन गर्न चाहन्छ।
समान खेलबाट ८ अङ्क नै जोडेको ब्रिगेड ब्वाइज तालिकाको १२औं स्थानमा छ।
