- मङ्लबार, कार्तिक १८, २०८३ / Tuesday, Nov, 03 ,2026
प्रमुख प्रतिपक्षी नेपाली कांग्रेसले कोरोना भाइरसको महामारीका बारेमा चिकित्सकहरूसँग छलफल गरिरहेको छ ।
कांग्रेसले पार्टी केन्द्रीय कार्यालय सानेपामा चिकित्सकहरूलाई डाकेर कोरोना भाइरसको संक्रमण फैलिन नदिन अपनाउनु पर्ने सावधानीलगायतका विषयमा छलफल गरिरहेको हो ।
प्रवक्ता विश्वप्रकाश शर्माले पार्टीका पदाधिकारी र स्वास्थ्य क्षेत्रका विज्ञहरूबीच छलफल चलिरहेको जानकारी दिए ।
उनका अनुसार कांग्रेसले बैठकमा विगतका सरकारका पालमा पार्टीका तर्फबाट स्वास्थ्य मन्त्रालयको जिम्मेवारी सम्हालेका नेताहरूलाई पनि छलफलका लागि बोलाएको छ ।
कांग्रेसका तर्फबाट विगतमा स्वास्थ्यमन्त्रीको जिम्मेबारी सम्हालिसकेका केन्द्रीय सदस्य त्रय अर्जुन नरसिंह केसी, उमाकान्त चौधरी र गगनकुमार थापालाई छलफलका लागि पदाधिकारी बैठकमा बोलाइएको प्रवक्ता शर्माले जानकारी दिए ।
