काठमाडौंमा मजदुरी गरी बस्ने रुकुम पूर्वका नागरिकलाई माननीय रोकाको सहयोग

नेपाल कम्युनिस्ट पार्टी (नेकपा) की केन्द्रिय सदस्य तथा प्रतिनिधिसभा सदस्य कमला रोकाले काठमाडौंमा मजदुरी गरेर जीवन गुजारा गर्दै आएका रुकुम पूर्वका ५१ घरपरिवारलाई राहत वितरण गरेकी छिन् ।

काठमाडौंको गोलढुंगामा बसोवास गर्ने ५१ विपन्न परिवारलाई सांसद रोकाले आज दैनिक उपभोग्य खाद्यान्न सामाग्री उपलब्ध गराएकी हुन् । राहत लिएर पुगेकी सांसद रोकालाई जनताले फूलको माला लगाएर स्वागत गरेका थिए ।

कोभिड-१९ रोकथाम तथा नियन्त्रणका लागि सरकारले तोकेको लकडाउन अवधि लम्बिदै जाँदा जिल्लाबाट काठमाडौं आएर बस्ने र त्यस क्षेत्रमा समस्यामा परेका आफ्ना जिल्लाका नागरिकलाई राहत उपलब्ध गराएकी हुन् । राहत लिएर गोलढुंगा पुगेकी सांसद रोकाले कोरोनाबाट बच्न सरसफाईमा विशेष ध्यान दिन समेत आग्रह  गरिन् ।

जिल्लाबाट विभिन्न प्रयोजनका लागी राजधानीमा रहेका जनताहरु भोकै बस्न पर्ने स्थिती आउन नदिन आफुले विशेष अभियान थालेको बताइन् । रोकाले भनिन् , ” राहत वितरण अभियानमा मेरो जिल्लाका दाजु भाइ दिदी बहिनीहरुलाई सहयोग गरीदिने सहयोगी मनहरु: सञ्जय कक्षपती, श्याम श्रेष्ठ, कमल सिटौला, गोपाल महर्जन, छेवाङ लामा र सुरतजङ मल्ल लाई धेरै धेरै धन्यबाद दिन चाहन्छु ।”

उनले सबै सहयोग गर्नेहरुलाई धन्यबाद दिंदै निस्वार्थ भावले आ-आफ्नो ठाउँबाट आफ्नो गाँस कटाएर गरिव र भोकाहरुलाई सहयोग गर्नु वास्तविक मानवियता भएको बताइन् । लकडाउनका कारण दैनिकी चलाउन गाह्रो भएकाहरुलाई सांसद रोकाले आफ्नो सम्पर्कमा आउँन समेत आग्रह गरेकी छिन् ।

सांसद रोकाले यो भन्दा पहिले पनि ६५ घर परिवारलाई राहत वितरण गरिसकेकी छिन् ।