- बुधबार, कार्तिक १९, २०८३ / Wednesday, Nov, 04 ,2026
नेपाल तरुण दलले कोरोना संक्रमण महामारीको बेला अग्रपंक्तिमा रहेर सेवा दिने चिकित्सक तथा स्वास्थ्यकर्मीलाई दुर्व्यवहार गर्नेलाई कडा कारवाही गर्न सरकारसँग माग गरेको छ ।
तरुण दलले सोमबार विहान एक विज्ञप्ति जारी गर्दै चिकित्सक र स्वास्थ्यकर्मीमाथि दुर्व्यवहार गर्नेलाई कारवाही गर्न माग गरेको हो।
‘यस्तो विषम परिस्थितिमा समाजको अग्रपंक्तिमा रहि जोखिमपूर्ण अवस्थामा पनि अनवरत रुपमा सेवा प्रदान गरिरहेका स्वास्थ्यकर्मी, सुरक्षाकर्मी, संचारकर्मी र अत्यावश्यक सेवा आपूर्तिकर्ता प्रति नेपाल तरुण दल केन्द्रीय समिति उच्च सम्मान प्रकट गर्दछ,’ ।
विज्ञप्तिमा भनिएको छ, ‘विगत केही दिन देखि लगातार रुपमा देशका विभिन्न स्थानमा स्वास्थ्यकर्मी लगाएत समाजको अग्रपंक्तिमा उभिएर सेवा प्रदान गर्ने पेशा, समुदाय प्रति हुँदै आएको दुव्र्यवहार अपहेलाना र आक्रमण प्रति नेपाल तरुण दल केन्द्रीय समितिको गम्भीर ध्यानाकर्षण भएको छ।’
तरुण दलले कोरोना महामारीमा अग्रपंक्तिमा रहेका सेवाकर्मीको मनोबल वृद्धि हुने कार्य अघि बढाउनका सरकारसँग माग गरेको छ।
