- बिहिबार, भदौ ४, २०८३ / Thursday, Aug, 20 ,2026
इन्डियन प्रिमियर लिग (आईपीएल) मा आज राति नेपाली लेगस्पिनर सन्दीप लामिछाने सम्मिलित दिल्ली क्यापिटल्सले चेन्नई सुपर किंग्ससँग खेल्दैछ ।
खेल दुबई इन्टरनेशनल क्रिकेट स्टेडियममा नेपाली समय अनुसार बेलुका पौने ८ बजे सुरु हुनेछ ।
दिल्ली लगातार दोस्रो जित निकाल्ने योजनामा हुनेछ । तेस्रो खेल खेल्न लागेको चेन्नई दोस्रो जित निकाल्ने दाउमा छ । दिल्लीले पहिलो खेलमा किंग्स इलेभेन पन्जाबलाई सुपर ओभरमा हराएको थियो ।
महेन्द्रसिंह धोनीको कमानीमा मैदान उत्रिन लागेको चेन्नईले पहिलो खेलमा मुम्बई इन्डिन्सलाई ५ विकेटले तथा दोस्रो खेलमा राजस्थान रोयल्ससँग १६ रनले पराजित भएको थियो ।
पहिलो खेलमा बेन्चमा रहेका नेपाली स्पिनर सन्दीपले दोस्रो खेलमा मौका पाउँछन् की पाउँदैनन् त्यो भने हेर्न बाँकी छ।
