- बिहिबार, भदौ ४, २०८३ / Thursday, Aug, 20 ,2026
नेत्र विक्रम चन्द (विप्लव) नेतृत्वको नेपाल कम्युनिष्ट पार्टीले कोरोनाको महामारीमा पनि सरकारले जनतालाई स्वास्थ उपचार पाउने मौलिक अधिकारबाट बञ्चित गराएको भन्दै आपत्ति जनाएको छ ।
बुधबार पार्टी महासचिव चन्दले विज्ञप्ति जारी गर्दै कोरोनाको प्रभावले आक्रान्त जनतालाई राहत पु¥याउन भन्दा स्वास्थ्य परीक्षणजस्तो संवेदनशील र राज्यको न्यूनतम् दायित्वबाट सरकार पन्छिनु निकृष्ट र अमानवीय कुरा भएको उल्लेख गरेका छन् ।
विज्ञप्तिमा सरकार र सम्बन्धित निकायको संरक्षणमा स्वास्थ्य सङ्कटलाई समेत पैसा कमाउने, भ्रष्टाचार गर्ने र धन कुम्ल्याउने माध्यमका रूपमा दुरुपयोग गरेको आरोप लगाइएको छ ।
चन्दले विज्ञप्ति मार्फत सबै नागरिकको कोरोना परीक्षण र संक्रमितको उपचार निशुल्क गर्न पनि माग गरेका छन् ।
चन्दले सरकारको वर्तमान काम कारवाही जनपक्षीय नभएको आरोप लगाउदै यही कात्तिक १५ गते कोणसभा, १७ गते पर्चा वितरण र २० गते विरोध जुलुस गर्ने कार्यक्रम रहेकाले सबैलाई सहभागि हुन पनि अपिल गरेका छन् ।
