- बिहिबार, भदौ ४, २०८३ / Thursday, Aug, 20 ,2026
प्रधानमन्त्री एवं नेकपाका अध्यक्ष केपी शर्मा ओलीले आज चितवनमा आयोजित सभालाई सम्बोधन गर्ने भएका छन् ।
भरतपुरको केन्द्रीय बसटर्मिनलमा हुने बृहत जनसभालाई सम्बोधन गर्न ओली आज चितवन जान लागेका हुन् ।
सभालाई सम्बोधन गर्नुअघि ओलीले भरतपुरमा बन्न लागेको सिटी हल र गोन्द्राङ-पुल्चोक सडक विस्तारको शिलान्यास गर्ने कार्यक्रम रहेको छ ।
आज दिउँसो १२:३० बजेबाट सुरु भएको सभा अघि पूर्व क्षेत्रको बसन्तचोक,पश्चिम क्षेत्रको चौविसकोठी र उत्तर क्षेको मालपोत चोकबाट र्याली निकालिएको हो ।
जनसभामा प्रधानमन्त्री ओलीसहित, उपप्रधानमन्त्री इश्वर पोखरेल, गृहमन्त्री रामबहादुर थापा ‘बादल’ भौतिक पूर्वाधार तथा यातायातमन्त्री वसन्तकुमार नेम्वाङ, शहरी विकासमन्त्री प्रभु शाह लगायतका नेताहरुले सम्बोधन गर्ने कार्यक्रम रहेको छ ।
यसैबीच, प्रचण्ड र माधव कुमार नेपाल नेतृत्वको समूहले सो कार्यक्रम रोक्न्न माग गरेको छ ।
