- बिहिबार, भदौ ४, २०८३ / Thursday, Aug, 20 ,2026
महिला राष्ट्रिय लिग फुटबलमा बुधबार (आज) एउटा मात्रै खेल हुँदैछ ।
सातदोबाटोस्थित एन्फा कम्प्लेक्समा दिउँसो २ बजे हुने खेलमा लिग लिडर नेपाल एपिएफ क्लबले रौतहटको चन्द्रपुर नगरपालिकाको सामना गर्नेछ ।
लिगमा अपराजित रहेको एक मात्र टोली एपिएफ आजको खेलमा पनि जित हात पार्दै यो यात्रालाई कायम गर्न चाहन्छ ।
चन्द्रपुर पनि आज एपिएफलाई पहिलो हार चखाउने दाउमा हुनेछ । तर, उत्कृष्ट लयमा रहेको एपिएफविरुद्ध जित निकाल्न उसलाई त्यति सहज भने छैन ।
एपिएफ ७ खेलबाट २१ अंकका साथ शीर्ष स्थानमा रहँदा चन्द्रपुर समान खेलबाट ६ अंकको साथमा छैटौँ स्थानमा छ ।
