- बिहिबार, भदौ ४, २०८३ / Thursday, Aug, 20 ,2026
नेपाली महिला फुटबलको इतिहासमा पहिलो पटक अखिल नेपाल फुटबल संघ एन्फाले बिदेशी प्रशिक्षक अष्ट्रेलियन गेरी फिलिप्सलाई महिला राष्ट्रिय फुटबल टिमको प्रमुख प्रशिक्षकमा नियुक्त गरेको छ ।
समान पारिश्रमिकपछि नेपाली महिला फुटबलमा विदेशी प्रशिक्षक नियुक्त गरिएको यो अर्को तारिफ योग्य कदम हो । गेरी पछिल्लो समय एन्फाको टेक्निकल निर्देशकको रूपमा कार्यरत छन । अब उनलाई थप जिम्मेवारी दिइएको हो । उनीसँग आगामी डिसेम्बरको अन्त्यसम्मका लागि सम्झौता गरिएको छ ।
उनी पूर्व अष्ट्रेलियन फुटबल खेलाडी हुन । सिडनी ओलम्पिक्स र ब्रिसबेन स्ट्राइकरसबाट उनले खेलेका थिए । खेल करियरपछि उनले विभिन्न आठ क्लबमा प्रशिक्षकको भूमिका निभाएका छन । सन् २०१९ देखि भने उनी एन्फाको टेक्निकल निर्देशकको रूपमा कार्यरत थिए ।
एन्फाले छिट्टै साफ महिला च्याम्पियनसिप र एएफसी उमन्स एसियन कप क्वालिफायरको तयारी स्वरुप महिला टिमको बन्द प्रशिक्षण सुरू गर्ने जनाएको छ ।
