- बिहिबार, भदौ ४, २०८३ / Thursday, Aug, 20 ,2026
सरकारले प्रतिबन्ध फुकुवा गरेपछि शान्तिपूर्ण राजनीतिमा संलग्न हुने प्रतिवद्धता जनाएका नेपाल कम्युनिस्ट पार्टीका महासचिव नेत्रबिक्रम चन्दको सुरक्षाका लागि सरकारले १० जना प्रहरी खटाएको छ ।
प्रहरी निरीक्षक (इन्सपेक्टर) को नेतृत्वमा विप्लवको सुरक्षाका लागि १० जना सुरक्षाकर्मी खटाइएको हो । विप्लवको सुरक्षा थ्रेट (चुनौती) लाई मध्यनजर गरी इन्सपेक्टरको नेतृत्वमा १० जना प्रहरी खटाइएको नेपाल प्रहरीका एक वरिष्ठ अधिकारीले जानकारी दिए ।
२ वर्षसम्म भूमिगत रहेका विप्लव शुक्रबार सार्वजनिक भएका थिए । राजधानी काठमाडौंको राष्ट्रिय सभागृहमा आयोजित एक कार्यक्रममा प्रधानमन्त्री केपी शर्मा ओलीसँगै विप्लवले पनि सम्बोधन गरेका थिए ।
२०७५ फागुनमा सरकारले विप्लव नेतृत्वको नेकपामाथि प्रतिबन्ध लगाएको थियो । त्यसयता भूमिगत रहँदै आएका उनी सरकारसँग ३ बुँदे सम्झौता गरेर ‘मूलधार’को राजनीतिमा आएका हुन् ।
शुक्रबार सार्वजनिक भएयता उनी विभिन्न राजनीतिक भेटघाटमा सक्रिय छन् ।
