- बिहिबार, भदौ ४, २०८३ / Thursday, Aug, 20 ,2026
त्रिवि मैदानमा जारी त्रिदेशीय टी–२० क्रिकेट शृंखलाअन्तर्गत बुधबार सम्पन्न खेलमा टस जितेर फिल्डिङ रोजेको मलेसियाले १०८ रनको प्रतिस्पिर्धी लक्ष्य पाएको थियो।
मौसमको खराबीका कारण १३ ओभरमा छोट्याइएको खेलमा नेदरल्यान्डले प्रतिस्पर्धात्मक लक्ष्य पेस गर्यो। खेलको पहिलो पारीमा ७ ओभर छोट्याइएको खेलमा ४ विकेट गुमाएर नेदरल्यान्ड्सले १०७ रन बनाएको थियो।
मलेसियाको जवाफी ब्याटिङका दौरान पुनः मौसम खराब भएपछि खेल १० ओभरमा छोट्याइएको थियो भने लक्ष्यलाई ९२ रनमा झारिएको थियो।
सो लक्ष्य पूरा गर्ने क्रममा मलेसियाले चार विकेट गुमाएर एक रनले चुकेपछि खेल बराबरीमा रोकियो। यससँगै दुवै टिमले १–१ अंक बाँडे। नेदरल्यान्ड्स र नेपाल फाइनलमा पुगेका छन् भने मलेसिया लिग चरणबाटै बाहिरिएको छ।
बुधबारको खेलमा नेदरल्यान्डसका लागि बेन कुपरले अविजित ५४ रन बनाए भने पिइटर सिलरले ३७ रन जोडे। त्यस्तै एन्टोनियसले पाँच बलमा १० रन जोडे।
मलेसियाका लागि मोहम्मद वाफिकले २ विकेट लिए भने प्रविनदीप सिंह र विरन्दीप सिंहले समान १–१ विकेट लिएका थिए। ९२ रनको लक्ष्य पछ्याउने क्रममा मलेसियाका सेयद अजिजले ३० रन बनाए भने अन्वर अरुद्धिनले २३ रन जोडे। त्यस्तै विरनदीप सिंहले १४ र अमरुद्दीन समलीले ९ रन बनाए।
नेदरल्यान्डका लागि सेबास्टियन ब्राटले दुई विकेट गिराउँदा बास डी लिड र विवन किङले समान एकएक विकेट लिए। यससँगै नेदरल्यान्डको ५, नेपालको ४ र मलेसियाको १ अंक भएको छ। लिग चरणअन्तर्गत भोलिको अन्तिम खेलमा नेपालले मलेसियासँग भिड्नेछ।
