- बिहिबार, भदौ ४, २०८३ / Thursday, Aug, 20 ,2026
निलम्बित गण्डकी प्रदेश सभा सदस्य कृष्ण थापाले सर्वोच्चमा दायर गरेको रिटमाथि आज सुनुवाइ हुने भएको छ ।
आफ्नो सांसद पद खारेज गर्ने जनमोर्चाको निर्णय बदर गर्न माग गर्दै थापाले सर्वोच्चमा दिनुभएको रिटको पेसी आजलाई तोकिएको हो ।
थापाले रिट निवेदनमा सांसद पद यथावत राखिपाऊँ भन्ने माग गर्नुभएको छ । पार्टी निर्देशनविपरीत गण्डकीका मुख्यमन्त्री पृथ्वीसुब्बा गुरुङ नेतृत्वको सरकार जोगाउन लागेपछि उहाँलाई जनमोर्चाले कारबाही गरेको थियो ।
जनमोर्चा केन्द्रीय सदस्य समेत रहेका थापालाई पार्टी साधारण सदस्य समेत नरहने गरी १ वर्षका लागि निलम्बन गरिएको छ । उक्त निर्णय गत बिहीबार संसद सचिवालयलाई गराएको थियो ।
