- बिहिबार, भदौ ४, २०८३ / Thursday, Aug, 20 ,2026
नेपाल कम्युनिष्ट पार्टी (एमाले) माधवकुमार नेपाल समूहको अखिल नेपाल स्वतन्त्र विद्यार्थी युनियन राहत वितरणका लागि हेलम्बू गएको छ ।
बाढी पहिरोको चपेटामा परेका हलेम्बू गाउँपालिकामा राहत वितरण गर्न अनेरास्ववियुको टोली त्यसतर्फ गएको हो ।
मेडिकल टिम सहितको अनेरास्ववियुको टोलीले चामल, चिउरा, दालमोठ, कम्बल, त्रिपाल, चाउचाउ, बिस्कुट लगायतको सामग्री लिएर हेलम्बु गाउँपालिकास्थित बाढी प्रभावित क्षेत्रमा जान गएको अनेरास्ववियुकि नेतृ आरती लामाले बताइन् ।
राहत वितरणका लागि हेलम्बु जान लागेको अनेरास्ववियुको टोलीलाई एमालेका वरिष्ठ नेता माधवकुमार नेपालले बाढीबाट सबैभन्दा बढी पीडामा परेका नागरिकको पहिचान गरी राहत वितरण गर्न निर्देशन दिएका छन् । उनले बेसाहारा र असहायलाई पहिलो महत्व दिन अनुरोध गरे । अनेरास्ववियुले जनताको पीडालाई आफ्नो पीडा ठानेर समस्या समाधानको निम्ति अग्रसरता लिएकोमा धन्यवाद व्यक्त गरे ।
बाढीग्रस्त हेलम्बु गाउँपालिकामा १० लाख बराबरको राहत सामग्री वितरण गरीने अनेरास्ववियुले जानकारी दिएको छ ।
