- बिहिबार, भदौ ४, २०८३ / Thursday, Aug, 20 ,2026
विश्व कीर्तिमानी मूल्यमा अल नसर पुगेका पोर्चुगिज स्टार क्रिस्टियानो रोनाल्डोको कप्तानीमा रहेको अल नासर साउदी सुपर कपबाट बाहिरिएको छ।
बिहीबार भएको सेमिफाइनलमा अल इतिहादसँग ३-१ ले पराजित भएपछि नसर फाइनल नपुग्दै प्रतियोगिताबाट बाहिरियो। रोनाल्डो अल नसरमा लगातार दोस्रो खेलमा गोलविहीन रहन पुगे ।
नयाँ नियम लागु भएका कारण अल नासरले सुपर कपमा प्रतिस्पर्धा गर्नै मौका पाएपनि अन्तिम दुईमानै पुग्न असफल रह्यो। विगतमा दुई टोली खेल्ने सुपर कपमा यसपटक चार टोली समेटिएका थिए। लिग र किंग्स कपको शीर्ष दुई टोली छनोट हुने व्यवस्था गरिएको हो। तर अल हिलाल लिग विजेता र कप उपविजेता रहेकाले लिगको तेस्रो अल नासरले अवसर पाएको थियो।
बिहीबार नै भएको अर्को सेमिफाइनलमा किंग्स कपको विजेता अल फाएहाले अल हिलाललाई १-० ले हराएर फाइनलमा स्थान बनायो। अब सोमबार अल इतिहाद र अल फाएहाबीच उपाधिका लागि प्रतिस्पर्धा हुनेछ।
