- शनिबार, कार्तिक १५, २०८३ / Saturday, Oct, 31 ,2026
सत्तारुढ दल नेकपा माओवादी केन्द्रका नेताहरू आज भारत भ्रमणमा जाने भएका छन्।
भारतीय जनता पार्टी (भाजपा)को निमन्त्रणामा माओवादी केन्द्रकी उपाध्यक्ष पम्फा भुसालका नेतृत्वमा पाँच सदस्य टोली ६ दिने भारत भ्रमणमा जान लागेका हुन्।
पार्टी अध्यक्ष जेपी नड्डाले भाजपाको विगत, वर्तमान र आगामी रणनीतिबारे जानकारी दिन माओवादी केन्द्रका नेताहरूलाई भारत भ्रमणमा बोलाउने निर्णय गरेका हुन्। टोलीमा सचिव चक्रपाणि खनाल, स्थायी समिति सदस्य सत्य पहाडी, केन्द्रीय सदस्यद्वय रामेश्वर राय यादव र सुरेशकुमार राई रहनेछन् ।
भारतीय जनता पार्टीले ‘भाजपालाई जान्नुस् (Know BJP)’ अभियान सञ्चालन गरिरहेको छ। भारत बसाईका क्रममा माओवादी केन्द्रका नेताहरूले अध्यक्ष नड्डासहित भाजपाका शीर्ष नेताहरूसँग अन्तर्क्रिया गर्नेछन्।
पछिल्लो समयमा माओवादी केन्द्रका नेताहरु भारत र चीन भ्रमणमा व्यस्त रहेका छन्।
