- बिहिबार, भदौ ४, २०८३ / Thursday, Aug, 20 ,2026
जस्ले गाली अनि आलोचनाको भीडमा
केवल उपदेशको शब्द सुन्छ
मलाई ऊ सधै भन्छ मरी लानु के छ र
जे हुन्छ राम्रोको लागि हुन्छ ।
जस्को कौडी छैन उस्ले दान दिएको सपना बुन्छ
जस्को कुरा कसैले सुन्दैनन् उस्ले
मान पाएको सपना बुन्छ
मलाई ऊ सधै भन्छ मरी लानु के छ र
जे हुन्छ राम्रोको लागि हुन्छ ।
ऊ गर्मीमा पानी मात्र हैन आगो पनि उत्तिकै छुन्छ
ऊ जाडोमा आगो मात्र हैन पानी पनि उत्तिकै छुन्छ
मलाई ऊ सधैँ भन्छ मरी लानु के छ र
जे हुन्छ राम्रोको लागि हुन्छ।
ऊ दुखी हुँदा मात्र हैन खुशी हुदा पनि रुन्छ
ऊ हार मान्दा मात्र हैन सफल हुँदा पनि उत्तिकै रून्छ
मलाई ऊ सधैँ भन्छ मरी लानु के छ र
जे हुन्छ राम्रोको लागि हुन्छ।
लेखक
अनिल रायमाझी(संञ्चारकर्मी )
