- बिहिबार, भदौ ४, २०८३ / Thursday, Aug, 20 ,2026
काठमाडौं – शहिद स्मारक ए डिभिजन लिग फुटबलमा च्यासल युथ क्लव जाउलाखेलसँग पराजित भएको छ ।
सातदोबाटोस्थित एन्फा कम्प्लेक्समा आज भएको खेलमा च्यासल जावलाखेलसँग २-० ले पराजित भएको हो । जावलाखेलका लागि रुप बहादुर लामा र विजय घलानले एक/ एक गोल गरे ।
खेलको ८१ औं मिनेटमा लामाले गोल गर्दै जावलाखेललाई अग्रता दिलाए । त्यस्तै, ८३ औं मिनेटमा घलानले गोल गर्दै जावलाखेललाई २-० को सहज जित दिलाए ।
जितसँगै जावलाखेल ८ अंकसहित लिगको तेस्रो स्थानमा उक्लिएको छ । च्यासल ४ अंकसहित आठौं स्थानमा रहेको छ ।
