- बिहिबार, भदौ ४, २०८३ / Thursday, Aug, 20 ,2026
नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्ड निवास खुमलटारमा प्रधानमन्त्री एवम् नेकपाका अध्यक्ष केपी शर्मा ओली समूहका नेताहरूको भेला भएको छ ।
बिहान ८ बजेदेपख शुरू भएको छलफलमा उपप्रधान तथा रक्षामन्त्री ईश्वर पोखरेल, परराष्ट्रमन्त्री प्रदीप ज्ञवाली, विष्णु रिमाल, सुवास नेम्वाङलगायत सहभागी रहेका छन् ।
त्यस्तै, प्रचण्ड पक्षका जनार्दन शर्मालगायत केही स्थायी समिति सदस्यहरु पनि रहेका छन् । प्रचण्डले नेकपामा जारी पछिल्लो शक्ति संघर्षका बारे छलफल गर्न नेताहरूलाई बोलाएका हुन् ।
बुधवार साँझ ललितपुरको झम्सीखेल स्थित एक होटलमा पनि माधव नेपाल र आफू निकट नेताहरूसँग प्रचण्डले छलफल गरेका थिए ।
बिहीवार पनि नेकपाको स्थायी कमिटी बैठक बस्दैछ । खुमलटार भेलाले बैठकमा अब कसरी प्रस्तुत हुने भन्ने विषयमा समेत रणनीति तय गर्ने स्रोतले बतायो ।
