- बिहिबार, भदौ ४, २०८३ / Thursday, Aug, 20 ,2026
सत्तारुढ नेपाल कम्युनिस्ट पार्टी (नेकपा)का प्रभावशाली नेता एवं सांसद गोकर्ण विष्टले दशैं भत्ताबापत संसद् सचिवालयले उपलब्ध गराएको रकम फिर्ता गर्न माग गरेका छन् ।
सांसदहरूले दशैं भत्ता बुझेको समाचारहरु सार्वजनिक भएसँगै सांसदहरूले भत्ता फिर्ता गरिरहेका छन् ।
विष्टले आइतवार संसदका महासचिवलाई चिट्ठी लेखेर सांसदले दशैं भत्ता लिने कुरा सामाजिक न्यायको हिसाबले पनि ठीक नहुने भन्दै फिर्ता गरेको जानकारी गराएका हुन् ।
उनले चेकमार्फत दशैं भत्ताबापतको रकम संसद् सचिवालयलाई फिर्ता गरेका छन् ।
नेपाली कांग्रेसका सभापति एवं संसदीय दलका नेता शेरबहादुर देउवाले दशैं भत्ता फिर्ता गर्न सांसदलाई निर्देशन दिइसकेका छन् ।
