- बिहिबार, भदौ ४, २०८३ / Thursday, Aug, 20 ,2026
प्रधानमन्त्री केपी शर्मा ओलीले पनि भिडियो सेयरिङ एप टिकटकमा खाता खोलेका छन्।
किशोर तथा युवा पुस्तामाझ लोकप्रिय भिडियो सेयरिङ एप टिकटकमा प्रधानमन्त्री ओलीले आइतबार एकाउन्ट खोलेका हुन्।
प्रधानमन्त्रीको @kpsharmaoli_official ह्याण्डल सञ्चालनमा आएको हो । यो एकाउन्ट भेरिफाइडसमेत भइसकेको छ।
अहिलेसम्म एउटा मात्र भिडियो राखिएको यो एकाउन्टलाई अहिलेसम्म दुई हजार दुई सयभन्दा बढीले फलो गरेका छन् । प्रोफाइलमा प्रधानमन्त्रीको फोटो भने राखिएको छैन।
उनले टिकटकमा राखेको भिडियोलाई अहिलेसम्म एक लाख ६९ हजारभन्दा धेरैले हेरेका छन् । त्यो भिडियोलाई १२ हजार जनाले लाइक गर्दा दुई सयभन्दा बढी शेयर गरिएको छ ।
