- सोमवार, कार्तिक १७, २०८३ / Monday, Nov, 02 ,2026
काठमाडौं मेयर कपमा आज दुई खेल हुँदैछन् ।
मुलपानी क्रिकेट मैदानमा हुने खेलमा वाग्मती प्रदेश र काठमाडौं मेयर ११ भिड्ने छन् । त्यस्तै कीर्तिपुरस्थित टियू क्रिकेट मैदानमा हुने खेलमा नेपाल पुलिस क्लब र एपीएफ भिड्नेछन्।
वाग्मती प्रदेश ज्ञानेन्द्र मल्लको कप्तानीमा उत्रने छ भने काठमाडौं मेयर ११ सन्दीप लामिछानेको कप्तानीमा उत्रने छ। वाग्मतीले पहिलो खेलमा नेपाल पुलिस क्लबसँग पराजय ब्यहोरेको थियो। काठमाडौं मेयरको भने प्रतियोगितामा यो पहिलो खेल हो।
उता प्रतियोगिताको पहिलो खेलमै जित निकालेका नेपाल पुलिस र एपीएफ दोस्रो जितको खोजिमा हुनेछन्। पुलिसले पहिलो खेलमा वाग्मती प्रदेशलाई २ रनले हराएको थियो भने आर्मीले एपीएफले आर्मीलाई १ विकेटले हराएको थियो।
खेल एक्सन स्पोर्टसले प्रत्यक्ष प्रसारण गरिरहेको छ । यसअघि दाङमा सम्पन्न प्रधानमन्त्री कप राष्ट्रिय महिला क्रिकेट र काठमाडौंमा भएको पुरुष प्रधानमन्त्री कपको पनि एक्सन स्पोर्टसले प्रत्यक्ष प्रसारण गरेको थियो ।
