- बिहिबार, भदौ ४, २०८३ / Thursday, Aug, 20 ,2026
इन्डियन प्रिमियर लिग (आइपिएल) अन्तर्गत बुधबार दिल्लीमा हुने तय भएको चेन्नई सुपर किंग्स र राजस्थान रोयल्सबीचको खेल स्थगित भएको छ ।
चेन्नईका ३ स्टाफलाई सोमबार गरिएको परीक्षणमा कोरोना पोजेटिभ देखिएपछि खेल स्थगित भएको हो ।
कोरोना संक्रमित हुने मध्ये बलिङ प्रशिक्षक एस बालाजी पनि थिए, त्यसैले आइपिएल नियमअनुसार चेन्नईको पूरै टिम कम्तीमा पनि ६ दिन क्वारेन्टाइमा बस्नु पर्ने हुन्छ ।
कोरोनाका कारण स्थगित भएको यो दोस्रो खेल हो । यसअघि कोलकाता नाइटराइडर्स र रोयल च्यालेन्जर्स बैंग्लोर बीचको खेल पनि स्थगित भएको थियो ।
कोलकाताका खेलाडीमा कोरोना देखिएपछि सोमबार तय भएको खेल सरेको थियो । अब यी खेलपछि खेलाइनेछ ।
७ खेलमा पाँच जित र २ हारको नतिजा निकालेको चेन्नई १० अंकका साथ लिगको दोस्रो स्थानमा छ । राजस्थान ७ खेलबाट ३ जित र ४ हारको नतिजा सहित ६ अंकका साथ पाँचौं स्थानमा छ । एजेन्सी
