- आइतवार, कार्तिक १६, २०८३ / Sunday, Nov, 01 ,2026
आज आईसीसी यु–१९ महिला विश्वकपको एसियाली छनोटमा मलेसियाविरुद्ध नेपाल पहिले ब्याटिङ गर्ने भएको छ ।
अघिल्लो दुई खेलमा पराजित भएपछि नेपालको विश्वकपको सम्भावना भने समाप्त भएको छ ।
मलेसियाका बांगीस्थित यूकेएम–वाईएसडी क्रिकेट ओभलमा नेपाल नेपालकी कप्तान कृतिका मरासिनीले टस जितेर ब्याटिङ गर्ने निर्णय लिएकी हुन् ।
नेपाल यसअघि युनाइटेड अरब इमिरेट्स (यूएई)सँग १० विकेट र थाइल्यान्डसँग ४९ रनले पराजित भएको थियो । नेपालले भुटानलाई ४ विकेट र कतारलाई ७९ रनले पराजित गरेको थियो ।
