- बिहिबार, भदौ ४, २०८३ / Thursday, Aug, 20 ,2026
काठमाडौं – चर्चित हाँस्यश्रृखला ‘भद्रगोल’बाट बाँहिरिएका कुमार कट्टेल ‘जिग्री’ र अर्जुन घिमिरे ‘पाँडे’ लगायतको टिम नयाँ टेलिश्रृखलाका साथ देखिने भएको छ ।
उक्त टिमले निर्माण गरेको नयाँ श्रृखला असोज २ गतेदेखि हरेक बिहिबार राती ८:५० मा नेपाल टेलिभिजनबाट प्रसारण आउने बताइएको छ । सबै टिम मेम्बरले साझा स्टिकर डिजाइन सामाजिक संजालबाट सार्वजनिक गर्दै नयाँ टेलिश्रृखलाको बारेमा जानकारी दिएका हुन् । श्रृखलाको नाम भने अहिले गोप्य राखिएको छ ।
जेपिटी क्रियसन मार्फत निर्माण हुने श्रृखलाको लेखन निर्देशन जिग्री र पाँडेकै रहनेछ । श्रृखलाको नाम केही दिनमै पत्रकार सम्मेलन गरेर सार्वजनिक गर्ने उनीहरुको योजना रहेको छ ।
भद्रगोलमा प्रस्तुत गर्दै आएको पात्रहरुको कथामै श्रृखला निर्माण हुने अर्जुन घिमिरेले बताए । श्रृखलाको अवको यात्रामा शंकर आचार्य ‘बरिष्ठे’ र सिपी पुडाशैनी ‘धतुरे’ पनि देखिने भएका छन् ।
