- बिहिबार, भदौ ४, २०८३ / Thursday, Aug, 20 ,2026
काठमाडौं – नेपाली सुगम गीत संगीतका चर्चित गायक तथा सर्जक किरण बाबु पुनको ‘धर्म’ बोलको गीतको भिडियो बजारमा सार्वजनिक भएको छ । सार्वजनिक गीतको भिडियोलाई कृष्ण फिल्मस् एण्ड एड्भरटाइजिङ्गले बजारमा ल्याएको हो ।
निकै नै मार्मिक तथा समय सान्दार्भिक गीत ‘धर्म’ मा गायक तथा सर्जक किरण बाबु पुनको शब्द रहेको छ भने गायक पुनले नै संगीत भरेका छन् । उक्त गीतमा गायक किरण बाबु पुन र चर्चित भारतीय गायिका सञ्जीवनीको आवाज रहेको छ । गायिका सञ्जीवनीले थुप्रै नेपाली चलचित्र तथा आधुनिक गीतहरु गाएकी छिन भने पछिल्लो समय किरण बाबु पुनको लोक दोहोरी गीतहरु पनि गाउदै आएकी छिन ।
गीतको भिडियोमा मोडल प्रेम थापा र सगुन शाहीको उत्कृस्ट अभिनय रहेको छ । गीतलाई बिष्णु तामाङले एरेन्ज गरेका हुन् भने कुमार सानु पुनले मिक्सिङ गरेका छन् । उक्त भिडियोको निर्देशन बाबुराजा के. सी.ले गरेका छन् । मधुर बस्नेतले छायांकन गरेको भिडियोलाई नबिन घर्ती मगरले सम्पादन गरेका छन् ।
फरक कथा बस्तु समेटेर बनाईएको यस म्युजिक भिडियो जस अन्तर्गत धर्मको कथालाई निकै मिठो कलात्मक शैलीमा देखाइएको छ । जात, धर्म जेसुकै भएनी मानवता नै सबै भन्दा ठूलो धर्म हो भन्ने कथालाई सर्जक किरण बाबुले गीत मार्फत उजागर गरेका छन् । वास्तवमा सांचो माया प्रेम गर्ने जोडीहरुलाई नत कुनै जातले छेक्छ नत कुनै धर्मले नै । न कुनै वाइबल, धर्म ग्रन्थहरुमा लेखिएको नै छ, भन्ने कुरा देखाउन खोजिएको छ ।
प्रेम कथामा आधारित गीतले समाजमा भईरहेको यथार्थलाई समावेश गरेको छ । यो गीतले लोक गीत क्षेत्रमा केही नयाँ कुरा ल्याउने छ । अन्य गीतहरु जस्तै यो गीतले पनि सफल्ता पाउनेमा किरण बाबु पुन आशावादी रहेका छन् । ‘हाम्रो समाजमा व्याप्त धर्म तथा जातको द्वन्द हट्ला भन्दा झनै बढीरहेको र यसले बिकृति बिसंगति ल्याएको कुरा सर्वविदितै छ त्यसैले केही सन्देशमूलक हुनेछ भन्ने अपेक्षा पनि गरेको छु । ‘सर्जक किरण बाबु पुनले भनेका छन् ।
