मनोरञ्जन

‘द भ्वाइस अफ नेपाल’ को तेस्रो सिजन आजदेखि

गायन रियालिटी शो ‘द भ्वाइस अफ नेपाल’को तेस्रो सिजन आजदेखि सुरु हुने भएको छ । हिमालय टेलिभिजनबाट बेलुका ८ बजे शो प्रशारण हुन लागेको हो।

यो सिजनको प्रतिस्पर्धामा १ सय २० जना प्रतियोगीले भाग लिँदै छन् ।

यो प्रतियोगिताको डिजिटल अडिसनमा ४० हजार जनाले आवेदन दिएको कार्यक्रम निर्देशक लक्ष्मण पौडेलले जानकारी दिए । ४० हजारबाट छानिएका १ सय २० जनाले शो को ब्लाइन्ड अडिसनमा भाग लिने छन् ।

आजबाट केही साता शो–मा ‘ब्लाइन्ड अडिशन’ प्रशारण हुनेछ । अडिसनमा गाएर जुन निर्णायकको कुर्सी घुम्छ प्रतिस्पर्धी उनै निर्णायकको समूहमा जानेछन्।

ब्लाइन्ड अडिसनबाट हरेक कोचले छानेका १२/१२ जना प्रतिस्पर्धीले ब्याटल राउन्डमा प्रतिस्पर्धा गर्नेछन् ।

कार्यक्रममा कोचका रुपमा दीप श्रेष्ठ, प्रमोद खरेल, राजु लामा र तृष्णा गुरुङ रहेका छन् ।

यसअघि कोच रहेकी आस्था राउतको ठाउँमा गुरुङको इन्ट्री भएको हो ।

Comment here