- बुधबार, भदौ ३, २०८३ / Wednesday, Aug, 19 ,2026
भारतको केन्द्र सरकारले तेल कम्पनीहरूलाई ठूलो राहत घोषणा गरेको छ ।
१ जुनदेखि पेट्रोल, डिजेल र एटीएफको निर्यातमा लाग्ने कर (ट्याक्स) घटाइने सरकारले घोषणा गरेको छ । यस्तो आदेश शनिबार जारी गरिएको हो । पेट्रोलमा १.५ रुपैयाँ र डिजेलमा १३.५० रुपैयाँ कर कटौती गर्ने सरकारको घोषणा, १ जुनदेखि लागू हुनेछ । शनिबार जारी विज्ञप्तिमा भनिएको छ–१ जुनदेखि पेट्रोल, डिजेल र एटीएफको निर्यातमा लाग्ने कर घटाइनेछ ।
पेट्रोल निर्यातमा १.५ रुपैयाँ प्रतिलिटर, डिजेल निर्यातमा १३.५० रुपैयाँ प्रतिलिटर कर कटौती गरिएको छ ।
त्यस्तै, एभिएसन टर्बाइन फ्युलमा लाग्ने करमा ९.५ रुपैयाँ प्रतिलिटर कटौती गरिएको छ । तर, यस कटौतीको घरेलु बजारमा कुनै असर पर्ने छैन, किनभने सरकारले भित्री बजारमा करमा कुनै परिवर्तन गरेको छैन । अन्तर्राष्ट्रिय बजारमा कच्चा तेलको मूल्यमा केही कमी देखिएका बेला भारत सरकारले निर्यात कर कटौतीको निर्णय गरेको हो । सरकारले यो विशेष कर २७ मार्च २०२६ मा सुरु गरेको थियो ।
पश्चिम एशियामा जारी तनावका कारण घरेलु आपूर्ति सुनिश्चित गर्न यो कर लगाइएको थियो । अन्तिम पटक मूल्य समायोजन १६ मेमा गरिएको थियो ।
