- आइतवार, कार्तिक १६, २०८३ / Sunday, Nov, 01 ,2026
अर्जेन्टिना तथा युभेन्ट्स फुटबल क्लबका स्टार फुटबलर पाउलो डिबालाको चौथो कोरोना परीक्षण पनि पोजेटिभ आएको छ।
गत ६ हप्तायता डिबालाको चारपटक कोरोना भाइरस ‘कोभिड १९’ को परीक्षण भएको छ । जसमा सबैमा उनको परीक्षण पोजेटिभ आएको हो ।
मार्च २१ मा डिबाला र उनका प्रेमिका ओरियाना साबाटिनीमा कोरोना भाइरसको संक्रमण देखिएको थियो। डिबालाले केही दिन अगाडि मात्र आफूहरुमा कोरोना भाइरसको लक्षणहरु नदेखिएको बताएका थिए।
युभेन्ट्सका फुटबलर डेनिली रुघानी र ब्लेसी माटुडीमा कोरोना देखिएपछि क्रिस्टियानो रोनाल्डो र डिबालासहित युभेन्ट्सका सबै खेलाडीमा कोरोना परीक्षण भएको थियो।
मे चारदेखि युभेन्ट्सका खेलाडी अभ्यासमा फर्कँदैछन् यद्यपी डिबाला अझै निको भएका छैनन्। एजेन्सी
