- आइतवार, कार्तिक १६, २०८३ / Sunday, Nov, 01 ,2026
आजको कान्तिपुर दैनिकमा रोजगारीका लागि दक्षिण कोरिया सोचेजस्तो सजिलो नरहेको भन्दै समाचार छापिएको छ।
कोरिया आकर्षक मानिन्छ तर यहाँ कामदारका दुःख अनेक छन् । दैनिक कार्यअवधि १२ घण्टाभन्दा बढी नै छ । भाषा समस्या उस्तै छ ।
सन् २००७ मा सुरु भएको इपीएस खुलेसँगै कोरिया आएर काम गर्ने नेपालीको संख्या बढेको छ । यसअघिमा ६२ हजार २ सय २७ जना नेपाली कोरिया आएका छन् ।
संख्या बढेसँगै विभिन्न कारणले ज्यान गुमाउने नेपालीको संख्या पनि बढेको छ । दूतावासका अनुसार अहिलेसम्म १८१ जनाले ज्यान गुमाएका छन् ।
जसमा आत्महत्या गर्ने ४८ र दुर्घटनामा ज्यान गुमाउने ४७ जना रहेका छन् । यस्तै भिन्न रोग र सुतेकै अवस्थामा ज्यान गुमाउने ८४ जना रहेका छन् ।
