- बिहिबार, भदौ ४, २०८३ / Thursday, Aug, 20 ,2026
भारतको नयाँदिल्लीस्थित जवाहरलाल नेहरु विश्वविद्यालय (जेएनयू) मा नकाबधारी समूहको आक्रमणमा परी १८ भन्दा बढी विद्यार्थी घाइते भएका छन् ।
जेएनयू छात्र संघका अध्यक्ष आईसी घोषसहित १८ विद्यार्थीहरु घाइते भएका छन् । प्रत्यक्षदर्शीका अनुसार जेएनयु क्याम्पसमा ५० भन्दा बढी मानिस लाठी बोकेर कलेज भित्र छिरेका थिए । अधिकांशले आफ्नो अनुहारमा कपडा बाँधेका थिए ।
क्याम्पसमा छिर्ना साथै उनीहरुले विद्यार्थीमाथि आक्रमण गरेका थिए । अहिले क्याम्पस क्षेत्र प्रहरी नियन्त्रणमा छ । घाइतेहरुलाई अस्पताल पुर्याउनका लागि सात वटा एम्बुलेन्स प्रयोग गरिएको थियो ।
दिल्ली प्रहरीले जेएनयुको मुख्य गेटमा भारी मात्रामा प्रहरी तैनाथ गरेको छ । जेएनयुको गेट र बाहिर सो घटनालाई लिएर विरोध प्रदर्शन भएको थियो । विश्वविद्यालय प्रशासनले आक्रमणको निन्दा गर्दै दोषी पहिचान गरी कारबाही गर्न प्रहरीसमक्ष माग राखेको छ । गृहमन्त्री अमित शाहले पनि घटनाको अनुसन्धान गरी आवश्यक कदम चाल्न निर्देशन दिएका छन् ।
