- बिहिबार, भदौ ४, २०८३ / Thursday, Aug, 20 ,2026
भारतमा कोरोना भाइरस (कोभिड–१९) नियन्त्रणका लागि सरकारले घोषणा गरेको ‘लकडाउन’ नमानेको भन्दै आफ्नै दाईले भाइको हत्या गरेका छन् ।
मुम्बईको कान्दिवाली इष्टमा बस्ने २८ वर्षीय राजेश ठाकुरले २१ वर्षका आफ्ना भाई दुर्गेसको हत्या गरेका हुन् । भास्कर दैनिकमा प्रकाशित समाचार अनुसार राजेशले भाईलाई ‘लकडाउन’को बेला घरबाट बाहिर नजान भनेका थिए । तर, दाईको आदेश नमान्दै भाई घरबाहिर निस्किन पुगे ।
यही कुरामा दुवैबीच झगडा भयो । झगडा चर्किदै गएपछि राजेशले तावाले दुर्गेशको टाउकोमा प्रहार गरे । घाइते दुर्गेसलाई अस्पताल लगिए पनि डाक्टरले उनलाई मृत घोषणा गरे ।
‘लकडाउन’मा बाहिर निस्किन खोजेको आरोपमा भएको झगडाका कारण भाईको हत्या गरेको आरोपमा प्रहरीले राजेशलाई पक्राउ गरेको छ । दुर्गेस पुनामा वेटर काम गर्ने र ‘लकडाउन’को बेला घर आएका थिए ।
