- बिहिबार, भदौ ४, २०८३ / Thursday, Aug, 20 ,2026
लकडाउनमा बजारमा तरकारी तथा खाद्यान्न किन्नका लागि बजार गएका छोराले बुहारी ल्याएर आएको घटनाले यतिबेला चर्चा पाएको छ ।
घटना भारतको उत्तर प्रदेशको गाजियाबाद जिल्लामाको हो। यहाँका एक युवक लकडाउनका क्रममा खाद्यान्न र तरकारी लिन घरबाहिर निस्केका थिए। तर, घर फर्किंदा उनले साथमा बेहुली लिएर आए । लकडाउनमा अचानक छोराले दुलही लिएर आएपछि युवककी आमाको होश उड्यो ।
खासमा ती युवकले गर्लफ्रेण्डलाई पत्नी बनाएर लिएर आएका थिए । रिसाएकी युवककी आमाले बेहुलीलाई घरमा पस्न दिइनन् । त्यसपछि यो विवाद पुलिसमा पुग्यो । बेहुलीको पहिरनमा युवती र उनका साथमा युवक थानामा थिए । त्यहाँ युवककी आमा पनि आइन् र खुला शब्दमा भनिदिइन् कि लकडाउनको उल्लंघन गर्ने छोरालाई घरमा पस्न दिन्न ।
युवककी आमा राजी नभएपछि पुलिसले अहिले यी दुईलाई छुट्टै कोठा भाडामा लिएर बस्न भनेको भारतीय सञ्चारमाध्यले जनाएका छन् । लकडाउनमा बेहुली र बेहुला प्रहरी चौकीसम्म पुगेपछि यस घटनाले चर्चा पाएको हो ।
