- बिहिबार, भदौ ४, २०८३ / Thursday, Aug, 20 ,2026
अमेरिकाको शिकागोस्थित इलिनोईमा रहेको एक मृत्युसंस्कार स्थलमा मंगलवार गोलीकाण्ड हुँदा १४ जना घाइते भएका छन् ।
आक्रमणकारीहरू र अन्तिम संस्कारमा भेला भएकाहरूबीच गोली हानाहान भएको थियो । घटनापछि भागेका आक्रमणकारीहरू अहिलेसम्म फरार छन् ।
औबर्न ग्रेशाम कम्युनिटीमा घटना भएको हो । घटनामा गोली लागेकाहरूलाई पाँच विभिन्न अस्पतालमा उपचार गरिएको प्रहरी प्रमुख एरिक कार्टरले बताए ।
गोली लागेका सबैको स्थिति गम्भीर रहेको शिकागो फायर डिपार्टमेन्टले जनाएको छ ।
अन्तिम संस्कार चलिरहेको बेलामा आक्रमणकारीहरूले पछाडिबाट गोली चलाएको र पहिला पैदल अनि अनि एक कालो गाडीमा भागेको कार्टरले बताए । कुनै पनि आरोपितको पहिचान हुन नसकेको तर एकजनालाई पक्राउ गरेर सोधपुछ चलिरहेको उनले जानकारी दिए ।
गोलीकाण्ड किन मच्चाइएको भन्ने खुलिसकेको छैन । एजेन्सी
