- बिहिबार, कार्तिक २०, २०८३ / Thursday, Nov, 05 ,2026
कोरोना भाइरस को संक्रमण सुरु भएको चीनको वुहान राज्यका विद्यालयमा मंगलबारदेखि पठनपाठन पुनः सञ्चालन हुने भएको छ । वुहानका २ हजार ८ सय ४२ विद्यालयमा पठनपाठन हुन लागेको हो ।
भाइरस नियन्त्रणमा आएसँगै विद्यालय खोल्न लागिएको भए पनि अनावश्यक भेला वा सम्मेलन नगर्न तथा आवश्यक सुरक्षाका उपाय अपनाउन सरकारले निर्देशन दिएको छ ।
विदेशी विद्यार्थी र शिक्षकलाई भने विद्यालय जान रोक लगाइएको छ । कोरोना संक्रमण फैलिएपछि वुहानका १४ लाख वालवालिका विद्यालय जान बन्चित थिए ।
वुहानमा विश्वविद्यालयहरु भने शुक्रबारवाट नै खुला गरिएका छन् । कोरोनाका कारण वुहानमा ३ हजार ८ सय ६९ जनाको मृत्यु भएको थियो । अप्रिलमै सामान्य अवस्थामा फर्केको वुहानमा अहिले संक्रमित भेटिएका छैनन् । एजेन्सी
