अन्तर्राष्ट्रियमनोरञ्जन

श्रीदेवी जस्तै नागिन बन्दै श्रद्धा

अभिनेत्री श्रद्धा कपुर बोल्ड एन्ड ग्ल्यामर अवतारका कारण सधै चर्चामा रहने गर्दछिन् । अब भने उनलाई नागिन अवतार देख्न सकिने भएको छ । जसको जानकारी उनी आफैले सामाजिक संजाल मार्फत दिएकी हुन् ।

श्रद्धाले फिल्म ‘नागिन’मा नागिनको भूमिका निर्वाह गर्न लागेकी छन् । तीन सिरिजमा निर्माण हुने फिल्ममा उनी श्रीदेवी झै इच्छाधारी नागिनको भूमिकामा देखिने छिन् ।

विशाल फुरियाको निर्देशन रहने फिल्म निखिल द्विवेदीले निर्माण गर्न लागेका हुन् । पहिलो पटक नागिनको भूमिका निर्वाह गर्न लागेकोमा उनी निकै उत्साहित छिन् ।

उनले खुसी हुँदै स्टाग्राममा लेखेकी छन् ‘मेरो लागि पर्दामा एक नागिनको भूमिका निर्वाह गर्नु धेरै खुसीको कुरो हो । म श्रीदेवी म्यामको नागिन भूमिका र आँखाको फ्यान हुँ र त्यो हेर्दै ठुली भएकी हूँ । म सधै यस्तो भूमिकामा देखिन चाहन्थे । जसमा भारतीय लोक कथा जोडिएको हुन्छ ।’

श्रद्धा अगाडि श्रीदेवी, रेखा र रीना राय जस्ता बलिउडम अभिनेत्रीले पर्दामा नागिनको भूमिका निर्वाह गरिसकेका छन् । एजेन्सी

Comment here