- बिहिबार, भदौ ४, २०८३ / Thursday, Aug, 20 ,2026
क्यारेबियन क्षेत्रमा शक्तिशाली भूकम्प गएको छ । जमैकाको समुद्री तट र पूर्वी क्युबाको बीचमा रहेको क्यारेबियन सागरमा मंगलबार साँझ ७.७ म्याग्निच्युडको भूकम्प गएको हो ।
अमेरिकाको भूवैज्ञानिक सर्वेक्षण (यूएसजीएस) का अनुसार भूकम्पका कारण मेक्सिकोदेखि फ्लोरिडा लगायतका ठाउँमा शक्तिशाली झट्का दिएको थियो ।
भूकम्प लगत्तै केही समयका लागि अमेरिकाको फ्लोरिडासम्म सुनामीको चेतावनी जारी गरिएको थियो । तर अहिलेसम्म कसैको मृत्यु भएको खबर छैन ।
