- सोमवार, कार्तिक १७, २०८३ / Monday, Nov, 02 ,2026
बांग्लादेशका संस्थापक राष्ट्रपति शेख मुजिबुर रहमानको हत्या अभियोगमा एक पूर्व सैन्य अधिकारीलाई शनिबार फाँसी दिइएको छ।
पूर्व सैन्य अधिकारी अब्दुल मजिदलाई रहमान हत्याको ४५ वर्षपछि फाँसी दिइएको हो। अब्दुल मजिदले राष्ट्रपतिसमक्ष जीवनरक्षाका लागि गरेको अपिल अस्वीकृत भएपछि फाँसी दिइएको बताइएको छ। रहमानको हत्या अभियोग लागेका अब्दुल २५ वर्षदेखि फरार थिए। उनलाई गत मंगलबार पक्राउ गरिएको थियो।
रहमान वर्तमान प्रधानमन्त्री शेख हसिनाका पिता हुन्। रहमानको हत्या सन् १९७५ को सैन्य कुमा भएको थियो। स्वतन्त्र बांग्लादेश बनेको चार वर्षपछि रहमानको हत्या भएको थियो।
बांग्लादेश सरकारले सन् १९९८ मा मजिदसहित एक दर्जन सैन्य अधिकारीहलाई मृत्युदण्ड सुनाएको थियो। एजेन्सी
