- शनिबार, कार्तिक १५, २०८३ / Saturday, Oct, 31 ,2026
भारतका पूर्व अर्थ मन्त्री तथा भारतीय जनता पार्टी९बीजेपी० का वरिष्ठ नेता अरुण जेटलीको आज ६६ वर्षको उमेरमा निधन भएको छ ।
गएको नौ दिनदेखि दिल्लीमा रहेको एम्स अस्पतालमा उनको उपचार भैरहेको थियो । जेटलीको निधन आज मध्यान्ह १२ बजेर ७ मिनेट जाँदा भएको हो । पछिल्लो शनिबार मात्रै भारतीय रक्षा मन्त्री राजनाथ सिंह जेटलीको स्वास्थ्य अवस्था बुझ्न एम्स अस्पताल पुगेका थिए । त्यसभन्दा पहिले अगस्ट ९ मा प्रधानमन्त्री नरेन्द्र मोदी, स्वास्थ्य मन्त्री हर्षवद्र्धनलगायत अस्पताल पुगेर उनको स्वास्थ्य अवस्थाको जानकारी लिएका थिए ।
यही महिना श्वासप्रश्वासमा समस्या देखिएपछि उनलाई अस्पताल भर्ना गरिएको थियो । मोदीको पहिलो कार्यकालमा अर्थ मन्त्री रहेका जेटली स्वास्थ्यमा आएको खराबीसँगै नयाँ सरकारमा कुनै जिम्मेवारी नलिने बताएका थिए ।
