- शनिबार, कार्तिक २२, २०८३ / Saturday, Nov, 07 ,2026
चीनको हुबे प्रान्तको शियान नगरमा ग्यास बिस्फोटनमा परेर कम्तिमा १२ जनाको मृत्यु भएको अन्तर्राष्ट्रिय समाचार माध्यमहरूले जनाएका छन् ।
घटनामा परी सय जनाभन्दा बढी घाइते भएको बताइएको छ ।
स्थानीय अधिकारीको स्रोत उदृत गर्दै सञ्चारमाध्यहरूमा बताइएको अनुसार घाइतेमध्ये ३९ जनाको अवस्था अत्यन्त गम्भीर रहेको छ ।
खोज तथा उद्वार अधिकारीहरुले दिउँसो १२ बजेसम्ममा विस्फोट स्थलमा भेटिएका १५० जनाको उद्वार गरी स्थानीय अस्पतालहरुमा भर्ना गरिएको बताएका छन् ।
शियान नगरको झाङवानको आवासीय क्षेत्रमा बिहान ६ : ३० बजे उक्त विस्फोट भएको थियो । विस्फोट हुँदा स्थानीयबासीबीच भागदौड मच्चिएको दृश्य टेलिभिजनहरूले देखाएका छन् ।
